Përse Nettrade

Nëse doni të sfidoni veten dhe të jeni pjesë me punën tuaj të një ndryshimi në Shqipëri, kompania jonë është vendi i duhur për të punuar.
Ne jemi një prej Start Up-eve më të suksesshme në Shqipëri. Me një ritëm të lartë rritje çdo vit jemi bërë lideri i shitjeve online. Menaxhojmë disa prej portaleve më të suksesshme në shitje si www.dyqantaxi.com www.bukinist.al www.beba.al www.idedhuratash.al. Edhe pse sukseset kanë qënë të mëdha në rrugën tonë sfidat që na presin janë edhe më të mëdha. Tani si pjesë e BALFIN Group vizioni jonë është të bëhemi një prej kompanive më të mëdha të shitjeve me pakicë në Shqipëri.
Fusha ku operojmë është e re në Shqipëri prandaj ne çdo muaj bëhemi më të mirë dhe më të mëdhenj. Rritja jonë parashikohet të shumëfishohet në 5 vitet e ardhshme, kjo do ju japë mundësinë të punoni në një prej kompanive ku mund të mësoni dhe rriteni më shumë se kudo tjetër në Shqipëri.
Pavarësisht eksperiencës që keni duhet të jeni të vendosur të mësoni dhe zhvilloheni më shumë nëse doni të jeni pjese e kompanisë tonë.
Ne besojmë në aftësitë e individëve dhe jemi të bindur që nëse keni motivimin e duhur dhe dëshirën për tu përmirësuar vazhdimisht do të bëheni liderë të fushës tuaj duke qënë pjese e kompanisë tonë.
Sfida jonë është të ndryshojë kulturën e blerjeve në Shqipëri dhe kemi provuar që me insistimin e duhur kjo gjë mund të bëhet realitet. Tani pas 6 viteve eksperiencë në një nga fushat më të reja në Shqipëri jemi gati të rritemi me ritme edhe më të shpejta. Kemi nevojë për njerëz të cilët besojnë në aftësitë e tyre dhe insistojnë në arritjen e rezultateve të larta.

 

P.S Nëse puna juaj nuk ju plotëson dhe nuk ju sfidon kjo është mundësia juaj për të qënë pjesë e një prej kompanive më të suksesshme në Shqipëri.