Përse Nettrade

Sipas statistikave mbi 70% e punonjësve janë jo të përfshirë në punën e tyre në Amerikë. Ne Shqipëri edhe përse nuk ka statistika kjo shifër duket të jetë më e lartë.
Ju si ndjeheni me punën tuaj apo punët e mëparshme, ndjeni entuziazëm çdo ditë apo thjesht përpiqeni ta përfundoni ditën?
Ne mendojmë që nuk ka përse të jetë kështu, një punonjës i kënaqur në punën e tij jep përfitime të mëdha për kompanitë prandaj është një luks që kompanitë nuk mund t’ja lejojnë vetes.
Ne në kompaninë tonë e dimë që njerëzit punojnë për të jetuar më mirë dhe nuk jetojnë që të punojnë. Për këtë arsye jemi gjithmonë të hapur me ta duke diskutuar të gjitha mundësitë që kemi për të gjetur mirëkuptim midis njëri tjetrit.
Kompania jonë është një prej sukseseve të para të formës perëndimore në Shqiperi. E themeluar në vitin 2012 vetëm me 2 punonjës dhe shumë pak fonde për investim, ne ndryshuam një nga tregjet më të vështira në Shqipëri. Sot jemi 50 punonjës dhe kemi pozicionin lider në sektorin e shitjeve online në Shqipëri. Nga suksesi i kompanisë ka bërë që të jetë një nga start up e para, e cila arrin një sukses deri në shitjen e saj tek nje grup me i madh. Sot kompania është në pronësi të BALFIN Group i cili është grupi më i madh në Shqipëri dhe ka disa nga kompanitë më të medha të shitjeve me pakicë. Megjithatë rruga jonë është vetëm në fillimet e saj. Nettrade Albania me pasionin e themeluesëve gjithashtu me eksperiencën dhe fuqinë e BALFIN Group po përgatitet për një investim të madh në këtë sektor. Investim i cili do na ndihmojmë ta kthejmë në një nga kompanite më të rëndësishme në Shqipëri.
Kemi filluar rekrutimin dhe do të vazhdojmë për disa vite me radhë të rritemi. Punonjësit që bëhen pjesë e jona tani do kenë mundësi të zhvillohen me kompaninë duke përfituar dhe kontribuar njëkohësisht nga kjo rrugë që kemi nisur.
Sektori online është një sektor i ri në të cilin nuk ka profesionistë të fushes apo me eksperience në të. Por ne kemi provën tonë që nëse keni vetë-motivim të lartë të gjitha pengesat mund të kalohen dhe të ktheheni shumë shpejt në liderët e sektorit ku punoni.
Puna tek ne është e bukur por nuk është e lehte. Ne po perpiqemi të ndërrojmë një kulturë në shitjet me pakicë, një sfidë e cila kërkon insistim dhe përkushtim për të bërë një punë cilësore. Për këtë arsye ne çdo pozicion të punës kriteret e mëposhtme janë të rëndësishme të jenë pjesë e juaja në mënyrë që të keni mundësi të përshtateni me kulturën e kompanisë tonë.

  1. Sjellje pozitive në çdo situatë
  2. Duhet të veprojmë në përputhje me interesat e grupit të punës dhe vizionit të kompanisë.
  3. Sinqeriteti është kriteri bazik për një bashkëpunim.
  4. Nuk duhet të ndjeheni keq me dështimin, duke vepruar në një sektor të ri është e pashmangshme që të gabojmë suksesi jonë varet nga aftesia për të mos përsëritur gabimin dhe mësimin nga ai gabim.
  5. Duhet të jeni të vetëmotivuar për të dhënë rezultate maksimale, në çdo pozicion pune ne punojmë për tu bërë më të mirët dhe pa vetëmotivim do jetë e pamundur të mbahet ritmi i nevojshëm për këtë rrugëtim.

Kriteret e mësipërme janë për çdo pozicion pune të nevojshme për tu përshtatur me kulturën tonë. Pozicionet konkrete kanë karakteristikat e tyre te cilat i gjeni më poshtë.
Tek ne puna do jetë e qartë dhe rezultati lehtësisht i matshëm për këtë ju sigurojmë.
Sot keni mundësinë të punoni në një kompani që ju sfidon, ju jep kënaqësi gjatë kohës që jeni në punë dhe vlerëson jetën tuaj personale si parësore. Nëse karakteristikat e mësipërme jane pjesë e juaja mos hezitoni të aplikoni në një nga vëndet vakante.

P.S Nëse puna juaj aktuale nuk ju jep kënaqësi dhe nuk ju sfidon të jepni maksimumin është momenti të shikoni një mundësi tjetër. Vizitoni faqen tonë nettrade.al/jobs ku mund të shikoni pozicionet vakante dhe të aplikoni.